Post Content

Ou siman wè gen anpil nouvèl dènyèman sou viris Zika a. Li lakòz yon maladi moustik, ki gen viris la, gaye.

Pou jouk jodiya, viris Zika te remake sou moustik ki nan peyi Afrik, Amerik santral epi disid, epi nan Antiy yo. Li pa remake sou teritwa prensipal peyi Etazini. Sa se poutèt kalite moustik ki gen viris Zika a mwen komen isit la.

Kat sou chak senk moun ki gen enfeksyon viris Zika a p ap menm malad. Moun ki malad poutèt viris Zika a ap sitou sèlman gen sentòm lejè k ap dire ant plizyè jou jouk yon semèn.

Toutfwa, enfeksyon viris Zika a gendwa yon enkyetid espesyal pou fanm ki ansent, epi pou fanm k ap eseye ansent. Se poutèt fanm ansent ki vin gen enfeksyon viris Zika a gendwa pase viris la bay tibebe a. E enfeksyon Zika pandan yon gwosès parèt pou l asosye avèk defòmasyon konjenital tankou mikwosefali (devlopman sèvo ki pa konplè).

Èske w ansent osinon w ap eseye ansent?

  • Ranvwaye dat vwayaj nan zòn kote viris Zika a ap gaye.
  • Si w gen pou l ale nan zòn sa yo, pale sa avèk doktè a anvan.
  • Byen swiv etap yo pou anpeche moustik pike w pandan vwayaj ou a (gade pi devan an).
  • Li posib pou transmèt viris Zika a nan fè lanmou soti nan men yon gason ki gen enfeksyon an. Si menaj gason ou an te ale, osinon ap viv, yon zòn ki gen viris Zika a, ou dwe toujou epi korèkteman sèvi avèk kapòt letèks pou tout tan ou ansent lan.
  • Pale avèk doktè k ap swiv ou a si w vin gen sentòm enfeksyon viris Zika a.

Èske w gen lentansyon vin ansent?

  • Anvan vwayaj ou a, pale avèk doktè k ap swiv ou a sou plan ou genyen pou w ansent ak risk ki genyen pou trape viris Zika a.
  • Gade sou sit entènèt CDC a sou vwayaj pou tout dènyè rekòmandasyon yo fè. http://wwwnc.cdc.gov/Travel
  • Byen swiv etap yo pou anpeche moustik pike w pandan vwayaj ou a.

Miyè pwoteksyon w lan : Anpeche piki moustik

  • Lè yo sèvi kòmsadwa, ensektisid Environmental Protection Agency (EPA) otorize bay prèv yo sekirize epi efikas menm pou fanm ki ansent ak fanm k ap bay tibebe tete.
    • Se pou w toujou swiv enstriksyon ki make sou etikèt la.
    • Souvan remete ensektisid la ankò.
    • Pinga flite ensektisid la sou po ki anba vètman.
    • Si w ap mete ekran solè tou, ou fèt pou w mete ekran solè a anvan ou mete ensektisid la.
  • Mete manch long ak pantalon janm long.
  • Trete ni vètman ni ekipman avèk pèmetrin (w ap jwenn pwodwi pou flite vètman nan magazen ki vann bagay pou kanpin, espò epi rad pou espò) osinon achte atik ki deja trete avèk pèmetrin.
    • Vètman ki trete ap toujou gen pwoteksyon aprè plizyè lavaj. Gade enfòmasyon sou pwodwi a pou w sa konnen konbyen tan pwoteksyon an ap dire.
    • Li se oumenm k ap trete bagay yo, ou dwe pou w byen swiv enstriksyon pwodwi a.
    • PINGA sèvi avèk pwodwi pèmetrin yo dirèk sou po moun. Obejktif yo se pou trete abiman.
  • Rete kote ki gen klimatizè osinon kote ki gen twal metalik sou fenèt ak pòt pou anpeche moustik yo antre.
  • Dòmi anba yon moustikè si w ap dòmi deyò, osinon si chanm kote w ap dòmi a pa gen twal metalik sou fenèt ak pòt yo.

Written By:


Deputy State Epidemiologist and State Public Health Veterinarian

Tags: , , , , ,

Recent Posts

Highlights of the January 15th Public Health Council Meeting posted on Jan 15

This month’s Public Health Council meeting featured a pair of informational updates from the Department on the status of proposed amendments to regulations, followed by a programmatic update from DPH program staff. First, the Council received an informational overview from the Bureau of Substance Addiction Services   …Continue Reading Highlights of the January 15th Public Health Council Meeting

Get to Know Your Community – Become a Volunteer posted on Jan 14

Get to Know Your Community – Become a Volunteer

This coming Monday we celebrate the MLK Day of Service, an initiative which urges people to view the Martin Luther King Jr. holiday as a “day on” rather than a day off – an opportunity to honor the legacy of Dr. King by encouraging us   …Continue Reading Get to Know Your Community – Become a Volunteer

As we head into 2020, it’s a good time to look back and take stock of what was a very busy 2019, working with our partners across Massachusetts to promote and protect the health and well-being of all our residents. Thank you to all of   …Continue Reading